Dowladda Soomaaliya oo Shaacisay in Mashruuca Lacagta Cusub uu Galay Marxalad Horumarsan

Dowladda Soomaaliya oo Shaacisay in Mashruuca Lacagta Cusub uu Galay Marxalad Horumarsan

Dowladda Soomaaliya oo Shaacisay in Mashruuca Lacagta Cusub uu Galay Marxalad Horumarsan


Dowladda Federaalka Soomaaliya ayaa Isniintii maanta ah oo ku beegan 29-ka Luulyo 2026 shaacisay in mashruuca weyn ee daabacaadda iyo hirgelinta lacagta cusub ee dalka uu galay marxalad aad u sarreysa. 

Tani waxay ka dambaysay ka dib sannado badan oo lagu jiray diyaarinta dhinacyada sharciyeynta, siyaasadda lacagta, maalgashiga, iyo qorsheynta farsamo ee hannaanka lacagta. 

Wasiirka Hantida, Biixi Iimaan Cige, ayaa xaqiijiyay in dowladda ay horumar weyn ka samaysay dib-u-eegista shuruucda Bangiga Dhexe iyo saadka lagama maarmaanka ah.


Mas'uuliyiinta ayaa tilmaamay in qorshaha fulinta si rasmi ah loo shaacin doono marka la soo gabagabeeyo diyaar-garowga harsan. 

Dhankiisa, Guddoomiye Ku-xigeenka Bangiga Dhexe, Cali Yaasiin, ayaa xusay in diyaarinta lacagta cusub ay socotay ku dhowaad siddeed sannadood, isagoo tilmaamay in hirgelinta lacagtan ay u baahan doonto hanti ka badan salamoolan milyan oo lacagta Mareykanka ah si loogu daboolo kharashaadka daabacaadda, dib-u-furista laamaha bangiga, iyo dhismaha nidaamyo ammaan.


Caqabadaha Qaybinta iyo Amniga Lacagta

Sida ku xusan bayaanada mas'uuliyiinta, caqabadda ugu weyni ma aha daabacaadda lacagta oo kaliya, balse waa sidii si ammaan ah loogu qaybin lahaa guud ahaan dalka dhan. Tani waxay ka dhalatay maadaama dalku uu muddo ku dhow soddon sannadood ka maqnaa shabakad bangi oo si buuxda u shaqeysa. 

Sidoo kale, Guddoomiyaha Bangiga Dhexe, Cabdiraxmaan Maxamed Cabdullaahi, ayaa sheegay in jadwalka rasmiga ah ee lagu soo saarayo lacagta cusub la shaacin doono marka la dhammaystiro dhammaan shuruudaha farsamo.


Mas'uuliyiintan ayaa hadalladan ka jeediyay intii uu socday Shirweynaha Afraad ee Siyaasadda Dhaqaalaha ee ka dhacay magaalada Muqdisho. 

Sida ay sheegeen, mashruucan cusub waxaa looga gol leeyahay in lagu xoojiyo nidaamka lacagta dalka, kor loogu qaado xasilloonida maaliyadeed, isla markaana lagu dardargeliyo casriyeynta hannaanka dhaqaale ee dalka dhan.


Ugu dambeyntii, inkastoo horumar weyn la sameeyay, dowladda illaa hadda ma shaacin taariikh rasmi ah oo la bilaabayo isticmaalka lacagtan cusub.

 Indhaha kormeerayaasha dhaqaalaha ayaa ku sii jeeda sida dowladda federaalka ay u maamuli doonto qaybinta lacagtan iyo sidii loo kafeeyn lahaa ammaan-darrada ka jirta gobolada carqaladayn karta gaaritaanka lacagta cusub ee dalka dhan.

 

Post a Comment

0 Comments